су бөгеті

(Водная преграда)

табиғи немесе жасанды су кедергілері (өзен, көл, бұғаз, жайылма, канал су қоймасы). С.б. ағынның жылдамдығы, тереңдігі, ендігі, түбі мен жағаларының сипатымен, сондай-ақ көпірлер, гидротехникалық құрылыстар, оны өтуге қолайлы орындар болуымен сипатталады. С.б. ені бойынша тар (100 м-ге дейін), орташа (100—250 м-ге дейін), кең (250—600 м-ге дейін), ірі (600 м-ден астам) болып бөлінеді.

Басқа кедергілерден су бөгетінің ерекшелігі оны алып тастауға болмайды және үнемі шабуылдаушы әскердің жылжуына кедергі келтіріп отырады және қорғанушылардың қимылын жеңілдетеді. Сондықтан көп жағдайда су бөгетін қорғаныс шебін тасалауға қолданады, осыған байланысты шабуылдаушы бөлімшелер мен бөлімдер бөгеттерден қарсыластың және оның авиациясының алдын ала дайындаған атысы астында өтуге мәжбүр болады.